Uppblásið Rugl.

„Það ber mikið á milli. Við höfum farið þess á leit að það verði tekið tillit til margföldunar á veiðigjöldum sem hafa verið lögð á með þessum nýju lögum. Núna tekur ríkið stóran hluta af aflaverðmætinu og það er varla hægt að ætlast til þess að við borgum laun samkvæmt hlutaskiptakerfinu af tekjum sem við ekki höfum,“ segir Friðrik. „Þetta er að okkar sjónarhóli stærsta málið í þessu öllu.“

 Hvernig málflutningur er þetta eiginlega, það er í hans eigin orðum hvernig þessir menn hugsa því þeir eru að fara með fleipur og bull. Með hlutaskiptikerfi er ákveðinn hluti til áhafnar og ákveðinn hluti til útgerðar, því meiri aflaverðmæti því hærri er krónutalan á hlut en prósentuhlutfallið breytist ekki. 

Í 11 grein laga  2012 nr. 74 26. júní segir:

          "Renta reiknast sem söluverðmæti afla eða afurða að frádregnum annars vegar rekstrarkostnaði vegna veiða og vinnslu, öðrum en fjármagnskostnaði og afskriftum rekstrarfjármuna, og hins vegar reiknaðri ávöxtun á verðmæti rekstrarfjármuna."

 Þetta þýðir það að svokallað veiðigjald er reiknað eftir að allur rekstrarkostnaður hefir verið reiknaður s.s. launakostnaður og annað sem fellur til líkt og viðgerðir og viðhald skipa.

Veiðigjaldið er reiknað af hagnaðinum sem fer í vasann hjá þeim og til að skoða aðeins hvaða upphæðir er verið að tala um þá er síða LÍÚ með gott dæmi, þar er hægt að sjá hvar kvótinn liggur,  og takið það líka til athugunar að þessar tölur eru sjálft veiðigjaldið sem er lítið brot af hagnaði þannig að það er dágóð summa sem fer í þessa feitu vasa.

 Mér finnst sjálfsagt að menn græði á rekstri fyrirtækja og hafi hærri laun ef maður er meira menntaður en þetta væl í LÍÚ er alveg makalaust, þeir eru að reyna að velta þessarri skerðingu á gróða yfir á sjómenn.

Deilan enn í hnút